Morgan tjáði sig um viðtalið í morgun á Talksport og útskýrði aðdragandann að viðtalinu.

„Cristiano bað mig um að taka viðtalið. Hann sagði að það væri út af því honum líkaði við mig. Það er til fólk sem gerir það," sagði Morgan á léttu nótunum.

„Það er ekkert leyndarmál að hann hefur verið pirraður á því sem hefur verið í gang hjá United, sérstaklega síðastliðið ár. Hann taldi vera kominn tími til að tjá sig opinskátt, meðvitaður um að það myndi hrista upp í hlutunum. Hann veit að hann verður gagnrýndur en hann veit líka að hann er að segja sannleikann, sem er stundum sár."

Aðspurður vildi Morgan ekki segja hvenær viðtalið var tekið. „Það var nýlega, og er á milli mín og Cristiano. Hann hafði hugleitt þetta í svolítinn tíma og svo hringdi hann í mig."

„Hann elskar Macnhester United og stuðningsmennina, en honum finnst félagið hafa staðnað," sagði Morgan.

Ronaldo var ekki í leikmannahópi Manchester United gegn Fulham í gær vegna veikinda. Sagan segir að Ronaldo hafi vitað af því á fimmtudag að hann myndi ekki byrja gegn Fulham.