William Saliba miðvörður Arsenal fékk að líta beint rautt spjald í fyrri hálfleik á útivelli gegn Bournemouth um miðjan október.
Tíu leikmenn Arsenal réðu ekki við andstæðinga sína og urðu lokatölur 2-0 fyrir Bournemouth.
Saliba fékk rautt spjald fyrir að brjóta af sér sem aftasti varnarmaður og var ákvörðunin harðlega gagnrýnd af stuðningsfólki og starfsfólki Arsenal.
Enska dómarasambandið vinnur hörðum höndum að því að auka gegnsæi í kringum sín störf og samþykkti að birta samskipti dómarateymisins þegar rauða spjaldið var dæmt.
Samskiptin má hlusta á hér fyrir neðan, þar sem Rob Jones dómari ætlaði upprunalega að gefa gult spjald en VAR-dómarinn Jarred Gillett ráðlagði honum að breyta litnum á spjaldinu eftir nánari athugun.
Audio has been released from the VAR review that led to a red card for Arsenal's William Saliba in a 2-0 loss against Bournemouth. ???? pic.twitter.com/wv8aKipd0v
— NBC Sports Soccer (@NBCSportsSoccer) November 13, 2024
Athugasemdir
