Katrín Ásbjörnsdóttir.
Katrín Ásbjörnsdóttir, sóknarmaður Breiðabliks, hefur opinberað það að komandi keppnistímabil verði hennar síðasta á ferlinum. Hún segir frá þessu í færslu á samfélagsmiðlum.
Í ljósi þess að tímabilið 2025 er að byrja þá vildi ég tilkynna að það verður mitt síðasta," segir Katrín en hún meiddist undir lok tímabilsins þegar Breiðablik varð Íslandsmeistari í fyrra.
Óvíst er hvort að Katrín geti spilað með Breiðabliki í sumar.
„Erfið meiðsli fyrir hálfu ári síðan gerir það að verkum að sumarið er í mikilli óvissu."
„Ég mun styðja Blikastelpurnar mínar úr stúkunni og halda áfram æfingum eins lengi og líkaminn leyfir. Hvort ég snúi aftur á völlinn verður svo að koma í ljós."
Keppni í Bestu deild kvenna hefst í kvöld með tveimur leikjum. Breiðablik spilar við Stjörnuna klukkan 18:00.
Athugasemdir
