„Þetta var hörkuleikur og mér fannst við spila virkilega vel. Ég er stoltur af liðinu, við spiluðum flottan fótbolta og sköpuðum helling af færum en hefðum mátt nýta þau betur.“> Voru fyrstu orð Sigurðar Ragnars Eyjólfssonar þjálfara Keflavíkur eftir 0-0 jafntefli Keflavíkur og KR suður með sjó fyrr í kvöld.
Lestu um leikinn: Keflavík 0 - 0 KR
Leikurinn var mikilvægur í baráttunni um 6.sæti Bestu deildarinnar og þar með sæti í efri hluta deildarinnar þegar deildinni verður skipt. Bar leikurinn þess nokkuð merki að mikið væri undir.
„Þetta var mikilvægur leikur og bæði liðin vildu vinna en kannski of mikið að segja að þetta sé úrslitaleikur þegar það eru fimm leikir eftir og 15 stig í boði.“
Talsvert var um forföll í liði Keflavíkur í dag en þar var um að kenna bæði leikbönnum og meiðslum manna sem teljast mega lykilmenn í liðinu. Magnús Þór Magnússon og Adam Ægir Pálsson snúa aftur eftir leikbann í næsta leik en hvað með Patrik Johannesen? Verður hann klár gegn FH?
„Já vonandi fáum við Patrik og líka Adam Árna Róbertsson. Ingimundur var líka meiddur í dag á bekknum. Vonandi verða þessir menn búnir að ná sér fyrir næsta leik. Það er bara jafna sig fyrir næsta leik gegn FH sem er að berjast fyrir lífi sínu og verður erfiður leikur.“
Sagði Siggi Raggi en allt viðtalið má sjá hér að ofan.
Athugasemdir