Núna eru tveir aðrir leikmenn Bayern orðaðir við United en þeir spila framar á vellinum.

Það eru Leroy Sane og Leon Goretzka en Sky í Þýskalandi segir að United sé að hugsa til þeirra fyrir janúargluggann.

Goretzka er miðjumaður sem Vincent Kompany, stjóri Bayern München, virðist ekki hafa miklar mætur á. Hann hefur aðeins komið við sögu í einum leik í þýsku úrvalsdeildinni til þessa.

Sane er fljótur kantmaður sem á eitt ár eftir af samningi sínum við Bayern; samningur hans rennur út næsta sumar. Hann lék áður fyrir nágranna United í Manchester City.

Man Utd hefur farið erfiðlega af stað í ensku úrvalsdeildinni á tímabilinu og er í neðri hluta deildarinnar.