Arnar Gunnlaugsson þjálfari Víkings hefur beðist afsökunar á orðavali sínu í viðtali við Fótbolta.net í gær.
„Biðst innilegrar afsökunar á ekkert eðlilega hallærislegum ummælum sem höfð voru eftir mér í gær. Árið er 2023 og ég er að nota frasa sem er bæði móðgandi og viðheldur úreltri og rangri staðalímynd. Arnar Bergmann Gunnlaugsson – gera betur," skrifar Arnar í færslu á Facebook.
Í umræddu viðtali var Arnar að svara Heimi Guðjónssyni, þjálfara FH, sem talaði um Víking sem grófasta lið deildarinnar.
„Ég tek því sem hrósi bara. Af því við vorum algjörar píkur í fyrra," sagði Arnar meðal annars í viðtalinu og hefur nú beðist afsökunar á þeim ummælum.
Ummæli Arnars vöktu mikla athygli á samfélagsmiðlum og var hann gagnrýndur harðlega en Vísir fjallaði meðal annars um viðbrögðin hörðu sem viðtalið skapaði.
Athugasemdir