Keppni hefst í D-riðli á EM í dag þar sem Pólland og Holland mætast.
Hollenska liðið mætti Íslandi í vináttulandsleik rétt fyrir mótið en Ronald Koeman stillir upp sama byrjunarliði í dag og mætti Íslandi. Xavi Simons þykir einn mest spennandi leikmaður mótsins en hann er í fremstu víglínu ásamt Cody Gakpo og Memphis Depay.
Holland varð fyrir áfalli eftir leikinn á móti Íslandi en þá kom í ljós að Frenkie de Jong, miðjumaður Barcelona, yrði ekki með á mótinu og þá meiddist einnig Teun Koopmeiners, miðjumaður Atalanta í upphitun fyrir leikinn gegn Íslandi.
Pólland varð fyrir miklu áfalli þegar Robert Lewandowski, framherji Barcelona, meiddist í vináttulandsleik gegn Tyrklandi rétt fyrir mótið en hann er ekki klár í slaginn í dag.
Holland: Verbruggen, Dumfries, De Vrij, Van Dijk, Ake, Schouten, Reijnders, Veerman, Simons, Depay, Gakpo.
Pólland: Szczesny, Bednarek, Salamon, Kiwior, Frankowski, Zielinski, Romanczuk, Zalewski, Urbanski, Szymanski, Buksa.
