„Mér fannst við vera í jöfnum leik í fyrri hálfleik. Blikar voru með yfirhöndina fyrstu mínuturnar en við endum þetta betur. Mörkin í upphafi seinni slá okkur aðeins út, þetta voru freak mörk. Það var brekka." Segir Ólafur Kristjánsson, þjálfari Þróttar, eftir 3-0 tap gegn Breiðabliki í Bestu deild kvenna.
Lestu um leikinn: Breiðablik 3 - 0 Þróttur R.
Blikar gengu frá leiknum á stuttum kafla í upphafi seinni hálfleiks eftir að Þróttur hafði endað fyrri hálfleik mjög vel.
„Við förum með góða tilfinningu í hálfleikinn. Við ætluðum að halda áfram að gera það sem við vorum að gera vel en mörk breyta leikjum og við verðum að ráða við það betur. Þetta annað mark sem var beint úr horni fékk mína leikmenn til að spyrja sig hvað væri í gangi. Við þurfum meiri mótstöðukraft."
Þróttaraliðið er neðst í deildinni og hefur aðeins unnið einn leik. Stutt er þó á milli í deidlinni og ef liðið nær að tengja saman sigra er ekki langt upp úr þessu veseni sem liðið er í.
„Það er svekkelsi að tapa eins og það á að vera. Svo þarf bara að takast á við næsta verkefni við getum ekki farið að reikna eitthvað hvað gerist ef við vinnum hina og þessa leiki. Það á bara að taka næsta skref og reyna ná í stig og þannig komumst við upp úr þessu.
Athugasemdir
