Harry Kane og Lucas Moura fagna fyrsta marki Tottenham í leiknum
Rennes 2 - 2 Tottenham
0-1 Loic Bade ('11 , sjálfsmark)
1-1 Flavien Tait ('23 )
2-1 Gaetan Laborde ('72 )
2-2 Pierre-Emile Höjbjerg ('76 )
0-1 Loic Bade ('11 , sjálfsmark)
1-1 Flavien Tait ('23 )
2-1 Gaetan Laborde ('72 )
2-2 Pierre-Emile Höjbjerg ('76 )
Tottenham Hotspur gerði 2-2 jafntefli við Rennes í fyrsta leik liðanna í riðlakeppni Sambandsdeildar Evrópu í Frakklandi í kvöld.
Enska liðið komst yfir strax á 11. mínútu. Tanguy Ndombele hóf sóknina með frábærri hælsendingu. Harry Kane fann Lucas Moura sem keyrði inn í teiginn og lét vaða en boltinn fór af Loic Bade og í netið.
Frakkarnir sóttu á Tottenham næstu mínúturnar og uppskar liðið jöfnunarmark á 23. mínútu. Flavien Tait lét vaða í hægra hornið og kom Pierluigi Gollini engum vörnum við.
Steven Bergwijn fór meiddur af velli í fyrri hálfleiknum og inn kom danski miðjumaðurinn Pierre-Emile Höjbjerg.
Gaetan Laborde kom Rennes yfir á 72. mínútu. Hojbjerg átti skot hinum megin á vellinum og leikmenn Rennes keyrðu upp. Kamaldeen Sulemana átti skot sem Gollini varði en Laborde hirti frákastið og skoraði.
Fjórum mínútum síðar jafnaði Höjbjerg metin. Matt Doherty átti fyrirgjöf frá hægri, boltinn barst á Hojbjerg sem skoraði með tánni.
Lokatölur 2-2 í Frakklandi. Rennes og Tottenham deila stigunum í kvöld en Vitesse vann Mura 2-0 í sama riðli.
Athugasemdir
