Senegalski miðvörðurinn Kalidou Koulibaly er ekki að hugsa um að yfirgefa ítalska félagið Napoli á næstunni en hann sendi félaginu ástarbréf á Twitter.
Koulibaly, sem er 28 ára gamall, hefur sannað sig sem einn af bestu miðvörðum heims með frammistöðu sinni á Ítalíu en hann hefur verið orðaður við Manchester United síðustu vikur.
Breska pressan heldur því fram að Koulibaly sé að ýta á eftir því að komast til United en hann hefur svarað með fallegu ástarbréfi til Napoli.
Samningur hans við félagið gildir til ársins 2023.
„Börnin mín fæddust hér. Ég óx sem leikmaður og sem manneskja hjá Napoli. Fjölskylda mín er hér og hér líður mér eins og heima," sagði Koulibaly á Twitter.
Qui sono nati i miei figli.
— Koulibaly Kalidou (@kkoulibaly26) November 16, 2019
Qui sono cresciuto come uomo e come calciatore.
Qui, la mia famiglia e io ci sentiamo a casa.
💙 #Napoli pic.twitter.com/E7p7u1skvG
Athugasemdir
