Kjartan Henry Finnbogason, sóknarmaður KR, sneri aftur í íslenska boltann í kvöld eftir sjö ára fjarveru þar sem hann hefur leikið í atvinnumennsku.
Kjartan kom inn á sem varamaður þegar KR tapaði 2-3 fyrir Val í Pepsi Max-deildinni.
Kjartan kom inn á sem varamaður þegar KR tapaði 2-3 fyrir Val í Pepsi Max-deildinni.
Kjartan mætti í skemmtilegt viðtal eftir leik þar sem hann var spurður út í gagnrýni sem KR hefur fengið fyrir að gefa honum þriggja ára samning þegar hann verður 35 ára í sumar.
„Það skiptir engu máli hversu langur samningurinn er, þið vitið ekkert hvað stendur í þessum samning. Ég verð fyrsti maðurinn til að hætta þegar ég hef ekkert fram að færa. Ég er í góðu standi núna og það er það er það sem skiptir máli; ég tek eitt tímabil í einu og einn leik í einu," sagði Kjartan Henry.
Hann var svo spurður út í sögusagnir um Val. Hann var orðaður við erkifjendur KR í Val áður en hann kom heim í Vesturbæinn.
„Ég hefði aldrei farið í Val. Ég vil ekki einu sinni tala um það, það hefði aldrei gerst," sagði Kjartan en allt viðtalið má sjá hér að neðan.
Athugasemdir