Leiknir R. mætti ÍA á Norðurálsvellinum fyrr í dag, leikar enduðu 2-1 fyrir Breiðhyltingum þó að Skagamenn skoruðu öll mörkin. Þeir Tobias Stagaard og Viktor Jónsson urðu báðir fyrir því óláni að setja boltann í sitt eigið net. Fyrirliði Leiknis Bjarki Aðalsteinsson mætti kátur í viðtal eftir leik.
Lestu um leikinn: ÍA 1 - 2 Leiknir R.
„Mér fannst þetta vera hörkuleikur, mér fannst við betri stóran hluta leiks en fáum mark á okkur í fyrri hálfleik sem sló okkur aðeins út af laginu. Mér fannst við samt stíga upp, ég er ánægður með karakterinn í seinni að skora þessi 2 mörk."
Bæði mörk Leiknis voru sjálfsmörk frá leikmönnum ÍA, gerir það ekki sigurinn enn sætari?
„Jú alveg sama hvernig þessi mörk koma, fínt að þetta fór inn.
Leiknir eru komnir úr fallsæti, hvernig er tilfinningin?
„Bara flott við höldum áfram að safna í pokann og vera úr fallsæti þegar tímabilið er búið."
Viðtalið má sjá í heild sinni hér að ofan.
