Bendtner á vítapunktinum gegn Antoni.
„Það er pirringur og maður er vonsvikinn," sagði Anton Ari Einarsson, markvörður Vals, sem skiljanlega var sár og svekktur eftir tapið gegn Rosenborg í kvöld.
Valsmenn féllu úr leik á dramatískan hátt en búlgarskur dómari leiksins stal algjörlega senunni.
Valsmenn féllu úr leik á dramatískan hátt en búlgarskur dómari leiksins stal algjörlega senunni.
Lestu um leikinn: Rosenborg 3 - 1 Valur
Þegar staðan var 2-1 fyrir Rosenborg en Valur á leiðinni áfram samanlagt dæmdi dómarinn vítaspyrnu í uppbótartima.
„Þetta er ótrúlega súrt. Ég skil ekki hvað hann er að spá hérna í lokin. Hann veifar puttanum fyrst og segir nei, en svo breytir hann um skoðun. Það er ótrúlegt. Ég trúði þessu ekki. Við erum ekki að spila í einhverju grínmóti. Þetta er Meistaradeildin og maður hélt að dómararnir væru starfi sínu vaxnir... en svona er þetta," sagði Anton en fáir botnuðu í ákvörðunum dómarans sem dæmdi þrjár vítaspyrnur.
Anton var skuggalega nálægt því að verja vítið sem réði úrslitum en hann varði boltinn í slá og inn.
„Ég sofna seint í kvöld held ég. Maður mun hugsa um hversu tæpt þetta var. Það er ólýsanlegt hvað maður er svekktur, leiður og pirraður yfir þessu öllu saman."
Viðtalið má sjá í heild sinni í sjónvarpinu hér að ofan.
Athugasemdir
