Það eru nokkrar áhugaverðar staðreyndir sem fóru framhjá fólki eftir fyrri part helgarinnar.
Oleksandr Zinchenko var í byrjunarliði Man City sem gerði 2-2 jafntefli við Tottenham í gær. Þetta var fyrsti úrvalsdeildarleikurinn sem Zinchenko mistekst að vinna á ferlinum eftir 23 sigra í röð.
Jack Grealish bætti öfugt met en hann tapaði sínum tuttugasta úrvalsdeildarleik í röð er Aston Villa beið lægri hlutar fyrir Bournemouth. Grealish tapaði fyrstu 18 leikjunum 2015 og 2016.
Arsenal er þá búið að vinna tvo fyrstu leiki tímabilsins í fyrsta sinn síðan 2009. Lærisveinar Unai Emery höfðu betur gegn Newcastle í fyrstu umferð og gegn Burnley í gær.
Á Spáni fór Real Madrid yfir Barcelona á stöðutöflunni í fyrsta sinn í tvö ár. Real var síðast yfir Barca þegar félagið vann deildina vorið 2017.
Aritz Aduriz varð þá annar leikmaðurinn í sögu La Liga til að skora 15 tímabil í röð. Hann gerði sögulegt sigurmark gegn Barcelona skömmu eftir innkomu sína á föstudaginn. Lionel Messi varð sá fyrsti til að skora 15 tímabil í röð í fyrra.
Í Frakklandi setti Jason Denayer nýtt met er Lyon vann 6-0 gegn Angers. Denayer átti þá 114 heppnaðar sendingar af 114. Hann er fyrsti leikmaðurinn til að afreka 100% sendingahlutfall á svona mörgum sendingum síðan mælingar hófust fyrir þrettán árum.
Athugasemdir