Byrjunarlið Íslands fyrir leikinn gegn Englandi var tilkynnt fyrir um hálftíma síðan. Það vekur athygli að enginn af þeim leikmönnum sem kallaðir voru inn í hópinn úr U21 árs landsliðshópnum eru í byrjunarliðinu.
Smelltu hér til að fara í beina textalýsingu frá Wembley
Smelltu hér til að fara í beina textalýsingu frá Wembley
Þá vekur það furðu einhverja að Ögmundur Kristinsson verji mark Íslands. Íslenska liðið byrjar í 5-3-2 líkt og gegn Danmörku á sunnudag.
„Ögmundur Kristinsson byrjar í markinu á Wembley og fer Rúnar Alex Rúnarsson á bekkinn. Hjörtur Hermannsson og Kári Árnason koma inn í þriggja manna varnalínu og byrja með Sverri Inga Ingasyni. Kári er fyrirliði í kvöld."
„Rúnar Már Sigurjónsson og Guðlaugur Victor Pálsson koma þá inn á miðjuna. Birkir Bjarnason byrjar þriðja leikinn á stuttum tíma," segir í frétt um byrjunarlið íslenska liðsins.
„Skil ekki alveg pælinguna að láta Ögmund spila þennan leik. Hlakka til að heyra útskýringu Hamren," skrifar Elvar Geir Magnússon á Twitter.
Tómas Ingi Tómasson, sérfræðingur um Pepsi Max-deildina og fyrrum U21 landsliðsþjálfari, endurbirtir tíst Elvars og bætir við: „Ótrúlega margt sem kemur á óvart í leik sem virkilega er hægt að gefa mönnum séns. Greinilega hugsar meira um að passa úrslit frekar en að byggja upp. Kannski skiljanlegt en ekki fyrir mér. Langaði í meira djús."
Ótrúlega margt sem kemur á óvart í leik sem virkilega er hægt að gefa mönnum séns. Greinilega hugsar meira um að passa úrslit frekar en að byggja upp. Kannski skiljanlegt en ekki fyrir mér. Langaði í meira djús. #fotboltinet https://t.co/Sp4JOVEm3D
— Tómas Ingi Tómasson (@IngiTomasson) November 18, 2020
Athugasemdir
