Álafoss hefur fengið á sig 20 mörk í fyrstu tveimur leikjum liðsins í D-riðli 4. deildar karla en liðið tapað öðrum leik sínum í kvöld er Hamar vann örugglega, 9-1.

Hamar var fjórum mörkum yfir í hálfleik. Darri Már Garðarsson skoraði tvö og þá komust þeir Sören Balsgaard og Atli Þór Jónasson einnig á blað.

Alfredo Sanabria skoraði tvö mörk á tíu mínútum fyrir Hamar um miðjan síðari hálfleikinn. Hrafn Darri Guðjónsson náði að pota inn einu marki fyrir Álafoss áður en Hamar hélt áfram að hamra inn mörkum.

Atli Þór skoraði tvö til viðbótar og þá gerði Jón Bjarni Sigurðsson eitt.

Þetta var fyrsti sigur Hamars í sumar en Álafoss var að tapa öðrum leik sínum og hefur fengið á sig 20 mörk í fyrstu tveimur leikjunum en liðið tapaði fyrir Ými, 11-0, í fyrstu umferð.