Mynd: EPA

Manchester United tók á móti Tottenham í síðasta leik kvöldsins í ensku úrvalsdeildinni og sýndu Rauðu djöflarnir mikla yfirburði.

Staðan var markalaus eftir afar líflegan fyrri hálfleik þar sem heimamenn sýndu frábæra spilamennsku og voru óheppnir að taka ekki forystuna.

Boltinn fann loksins netið í upphafi síðari hálfleiks þegar skot Fred breytti um stefnu af varnarmanni og fór framhjá varnarlausum Hugo Lloris.

Gestirnir frá London áttu fínar rispur í leiknum en lítið meira en það. Bruno Fernandes tvöfaldaði forystu Man Utd með góðu marki eftir skyndisókn og virtist sigurinn aldrei í hættu gegn slökum lærisveinum Antonio Conte.

Man Utd er í fimmta sæti eftir sigurinn, með 19 stig eftir 10 umferðir. Tottenham er í þriðja sæti með 23 stig eftir 11 umferðir.

Hugo Lloris var meðal bestu leikmanna vallarins þrátt fyrir að hafa fengið tvö mörk á sig.