Það ríkir krísa hjá Bayern en liðið hefur tapað þremur leikjum í röð; stórveldið er úr leik í bikarnum og er í vandræðum í deildinni og í Meistaradeildinni.

Gundogan, sem spilar í dag fyrir Barcelona, spilaði undir stjórn Thomas Tuchel, núverandi stjóra Bayern, hjá Dortmund á sínum tíma og hefur hann bara góða reynslu af honum.

„Það kemur mjög á óvart að Bayern sé í svona erfiðleikum," segir Gundogan en hann er á því máli að Tuchel sé einn af betri stjórum sem til eru í Evrópu.

„Ég get bara sagt góða hluti um Tuchel. Hann er einn af bestu stjórum Evrópu."