Ingvar Jónsson, markvörður Víkings R., verður frá í 4-6 vikur ef rétt reynist að hann hafi viðbeinsbrotnað í Lengjubikarnum í gærkvöldi.
Víkingur mætti Keflavík í 8-liða úrslitum og endaði leikurinn í vítaspyrnukeppni. Þar þurfti Ingvar að fara meiddur af velli eftir að hafa varið fyrstu spyrnu Keflvíkinga.
Ingvar er sagður vera viðbeinsbrotinn sem þýðir að hann mun þurfa að fara í aðgerð sem fyrst.
Ingvar hefur verið í vandræðum með hægri öxlina en brotnaði vinstra megin.
Kári Árnason setti hanskana á sig og fór í markið en tókst ekki að verja eina einustu spyrnu. Keflavík komst áfram.
Athugasemdir
