Byrjunarlið Íslands - Svona kemur Arnar þeim heitustu öllum fyrir

Arnar hefur opinberað sitt fyrsta byrjunarlið.

Mynd: Fótbolti.net - Hafliði Breiðfjörð

Orri Steinn Óskarsson er með fyrirliðabandið.

Mynd: Fótbolti.net - Hafliði Breiðfjörð

Arnar hefur opinberað sitt fyrsta byrjunarlið.

Mynd: Fótbolti.net - Hafliði Breiðfjörð

Klukkan 19:45 hefst leikur Kosóvó og Íslands í umspili um sæti í B-deild Þjóðadeildarinnar. Fótbolti.net fylgist að sjálfsögðu með í beinni textalýsingu sem má nálgast hérna.

Arnar Gunnlaugsson hefur opinberað sitt byrjunarlið og spilar með þriggja miðvarða kerfi sem túlka má sem 3-4-2-1.

Það er því sannarlega nóg af sóknarhug í byrjunarliðinu; Orri Steinn Óskarsson, Albert Guðmundsson, Hákon Arnar Haraldsson og Andri Lucas Guðjohnsen eru allir í byrjunarliðinu.

Mikael Egill Ellertsson er vængbakvörður hægra megin og Logi Tómasson vinstra megin. Ísak Bergmann Jóhannesson fær traustið á miðsvæðinu.

Lestu um leikinn: Kósovó 2 - 1 Ísland

Arnar stillir upp gríðarlega reynslumikilli þriggja manna varnarlínu í kvöld með Guðlaug Victor Pálsson, Sverri Inga Ingason og Aron Einar Gunnarsson. Eins og Arnar var búinn að gefa út er Hákon Rafn Valdimarsson í markinu.

Þetta eru alls fimm breytingar á skýrslu frá síðasta leik Íslands undir stjórn Age Hareide.

Amir Rrahmani, fyrirliði og besti leikmaður Kósovó, er í byrjunarliðinu hjá heimamönnum. Þessi hrikalega öflugi varnarmaður var tæpur fyrir leikinn en hann spilar í kvöld.

Byrjunarlið Kósovó

Arijanet Muric, Lumbardh Dellova, Elvis Rexhbecaj, Milot Rashica, Amir Rrahmani, Valon Berisha, Mergim Vojvoda, Ermal Krasniqi, Vedat Muriqi, Donat Rrudhani, Leart Paqarada

Byrjunarlið Ísland

Hákon Rafn Valdimarsson, Logi Tómasson, Guðlaugur Victor Pálsson, Sverrir Ingi Ingason, Hákon Arnar Haraldsson, Ísak Bergmann Jóhannesson, Orri Steinn Óskarsson (f), Albert Guðmundsson, Aron Einar Gunnarsson, Andri Lucas Guðjohnsen, Mikael Egill Ellertsson

Orri Steinn Óskarsson er með fyrirliðabandið.

Mynd: Fótbolti.net - Hafliði Breiðfjörð