Championship: Watford vantar eitt stig - Derby í brasi

Fimm leikir fóru í kvöld fram í ensku B-deildinni, Championship. Watford lagði Norwich í toppslagnum. Sheffield Wednesday ætlar að bjarga sér frá falli og QPR lagði Swansea.

Watford er núna stigi frá því að tryggja sér annað sætið í deildinni og með því sæti í efstu deild.

Brentford er á leið í umspilið, það er svo gott sem klárt en Cardiff á ekki lengur möguleika á því. Derby er í miklum vandræðum í neðri hlutanum. Liðið er með 43 stig, fjórum stigum meira en Rotherham sem er í fallsæti. Rotherham á hins vegar þrjá leiki til góða!

Sheffield Wednesday er eins og Rotherham með 39 stig og Derby er með 43. Wednesday er þó búið með 43 leiki eins og Derby.

Swansea er þá á leið í umspil þrátt fyrir tap gegn QPR.