Íslenski landsliðsmarkvörðurinn Telma Ívarsdóttir var utan hóps þegar Rangers tapaði 2-0 gegn Hibernian í skosku deeildinni í dag.
Hibernian komst á toppinn með sigrinum en liðið er með tveggja stiga forystu á Rangers þegar fimm leikir eru eftir.
Telma gekk til liðs við Rangers frá Breiðabliki í janúar en hún hefur komið við sögu í einum leik. Sá var í átta liða úrslitum bikarsins þar sem Rangers vann Spartans 2-0.
Næsti leikur liðsins er í undanúrslitum bikarsins gegn Aberdeen eftir slétta viku en með sigri mætir liðið annað hvort Glasgow City eða Motherwell í úrslitum.
Athugasemdir
