Sjáðu atvikið: Átti mark Cody Gakpo að standa?

Liverpool missteig sig í dag þegar Aston Villa kíkti í heimsókn á Anfield, en lærisveinar Jürgen Klopp voru búnir að vinna sjö leiki í röð fyrir Evrópubardaga dagsins.

Villa var talsvert sterkara liðið í fyrri hálfleik og var óheppið að vera aðeins einu marki yfir þegar flautað var til leikhlés.

Liverpool tók völdin í síðari hálfleik og hélt Cody Gakpo að hann hefði jafnað metin á 57. mínútu, en VAR herbergið tók eftir rangstöðu á Virgil van Dijk í aðdragandanum.

Dómurinn er gríðarlega umdeildur, þar sem Van Dijk var flautaður rangstæður eftir skalla frá Luis Diaz. Skallinn frá Diaz var alls ekki ætlaður Van Dijk og virðist varnarmaður Aston Villa hafa spilað boltanum í átt að Van Dijk.

Roberto Firmino gerði að lokum jöfnunarmark fyrir Liverpool eftir fallega stoðsendingu frá Mohamed Salah á lokakafla leiksins.

Sjáðu atvikið