Katrín Ásbjörnsdóttir.
Sóknarmaðurinn Katrín Ásbjörnsdóttir hefur rift samningi sínum við Stjörnuna og getur því skoðað í kringum sig.
Þetta herma heimildir Fótbolta.net.
Þetta herma heimildir Fótbolta.net.
Katrín var með samning til ársins 2023 en hefur nýtt sér uppsagnarákvæði í samningnum.
Katrín, sem er 29 ára gömul, var gríðarlega góð með Stjörnunni í sumar. Hún skoraði níu mörk í 16 leikjum í Bestu deildinni og var valin í lið ársins.
„Var mjög mikilvæg fyrir sóknarleik Stjörnunnar í sumar og hennar samvinna við Jasmín var mjög eftirtektarverð. Skoraði níu mörk og var gríðarlega öflug," sagði í umsögn um Katrín er hún var valin í lið tímabilsins.
Katrín hefur leikið með Stjörnunni frá því í fyrra en hún lék einnig fyrir félagið frá 2016 til 2018. Hún hefur einnig leikið með KR og Þór/KA á sínum ferli.
Katrín á að baki 19 A-landsleiki og hefur hún í þeim skorað eitt mark.
Athugasemdir
