Eins og fram hefur komið þá fór Cristiano Ronaldo inn í klefa inn fyrir lokaflaut er Manchester United vann 2-0 sigur á Tottenham í ensku úrvalsdeildinni í gær.
Ronaldo tókst þarna að beina sviðsljósinu á sjálfan sig frekar en að bestu frammistöðu Man Utd á tímabilinu.
Ronaldo, sem er einn besti fótboltamaður sögunnar, kom ekki við sögu í leiknum og var hann augljóslega pirraður með það.
Í grein The Athletic kemur fram að Ronaldo hafi ekki stoppað lengi inn í klefa. Ronaldo dreif sig bara heim og fagnaði hann ekki með liðsfélögum. Það hafði þó engin áhrif á fagnaðarlætin hjá liðinu eftir leikinn - það var vel fagnað.
Þegar Erik ten Hag, stjóri Man Utd, var spurður út í framkomu Ronaldo í gær þá sagði hann: „Ég fer í þetta mál á morgun, ekki núna. Í kvöld fögnum við þessum sigri."
Ronaldo vildi yfirgefa Man Utd í sumar til þess að spila í Meistaradeildinni en fékk ekki ósk sína uppfyllta. Það er möguleiki á því að hann muni yfirgefa félagið í janúar. Myndi það líklega vera best fyrir alla, sérstaklega í ljósi þess hvernig United spilaði án hans í gærkvöldi.
📸 - Ronaldo is heading inside the tunnel. pic.twitter.com/R9vnHXo680
— 𝐀𝐅𝐂 𝐀𝐉𝐀𝐗 💎 (@TheEuropeanLad) October 19, 2022
Athugasemdir