Af hverju er ekki búið að reka Ranieri?

Ranieri fær óvenju mikla þolinmæði frá eigendum Watford.

Mynd: EPA

Mynd: EPA

Ranieri fær óvenju mikla þolinmæði frá eigendum Watford.

Mynd: EPA

Það verður afskaplega mikilvægur fallbaráttuslagur í ensku úrvalsdeildinni í kvöld þegar Watford mætir Norwich. BBC birti samantekt um stöðu Watford og veltir því fyrir sér hvort Claudio Ranieri sé að stýra liðinu niður um deild.

Watford hefur ekki haldið marki sínu hreinu undir stjórn Ranieri, liðið hefur tapað fleiri leikjum en nokkuð annað lið í deildinni síðan hann var ráðinn og aðeins þrír stjórar í sögu ensku úrvalsdeildarinnar hafa átt verri byrjun en þessi níu töp hans í tólf leikjum.

Hin ítalska Pozzo fjölskylda sem á Watford hefur verið miskunnarlaus þegar kemur að stjóraskiptum. Ranieri hefur tapað átta af síðustu tíu leikjum en enginn af öðrum stjórum félagsins á Pozzo tímanum hafa tapað eins mörgum leikjum af síðustu tíu sem þeir stýrðu áður en þeir voru reknir.

Af hverju er Ranieri enn í starfi?
Samband Ranieri við eigendurna hefur mögulega gert það að verkum að hann fær meiri þolinmæði. Hann hefur lengi verið náinn Pozzo fjölskyldunni en samband þeirra nær 20 ár aftur í tímann.

„Ég verð að viðurkenna að það er mjög óvænt að ekki sé búið að reka hann. Watford gerði mistök með því að reka Xisco. Allir aðrir stjórar væri búnir að missa starfið hjá Watford miðað við gengi liðsins undir Ranieri," sagði sparkspekingurinn Chris Sutton nýlega.

Ranieri þekkir það að vera rekinn á miðju tímabili nokkrum mánuðum eftir að vera ráðinn. Það eru næstum þrjú ár síðan hann var rekinn frá Fulham eftir 106 daga við stjórnvölinn.

Honum hefur gengið illa í enska boltanum síðan hann stýrði Leicester til sögufrægs Englandsmeistaratitils 2016. Síðan þá er sigurhlutfall hans með Leicester, Fulham og Watford aðeins 19%. Hann hefur tapað 33 af 53 deildarleikjum.

Þó Watford sé ekki í fallsæti, er stigi fyrir ofan Norwich, eru margir sem spá því að hlutskipti Watford verði að falla. Með áframhaldandi gengi verður það allavega niðurstaðan.

Mynd: EPA

Stöðutafla

#	Lið	L	mun	Stig
1	Arsenal	38	+44	85
2	Manchester City	38	+42	78
3	Manchester Utd	38	+19	71
4	Aston Villa	38	+7	65
5	Liverpool	38	+10	60
6	Bournemouth	38	+4	57
7	Sunderland	38	-6	54
8	Brighton	38	+6	53
9	Brentford	38	+3	53
10	Chelsea	38	+6	52
11	Fulham	38	-4	52
12	Newcastle	38	-2	49
13	Everton	38	-3	49
14	Leeds	38	-7	47
15	Crystal Palace	38	-10	45
16	Nott. Forest	38	-3	44
17	Tottenham	38	-9	41
18	West Ham	38	-19	39
19	Burnley	38	-37	22
20	Wolves	38	-41	20