Olise er eftirsóttur af stórliðum og var Crystal Palace einnig að bjóða honum nýjan samning í tilraun til að halda honum innan sinna raða.

Olise yrði þá vafalítið launahæsti leikmaður Palace, en Chelsea ákvað að draga sig úr kappinu útaf alltof háum launakröfum leikmannsins.

Þýska stórveldið FC Bayern hefur mikinn áhuga á Olise, sem og fjársterkt lið Newcastle United sem þarf þó að virða háttvísisreglur ensku úrvalsdeildarinnar og UEFA og getur því ekki keypt endalaust af leikmönnum.

Manchester United hefur einnig verið nefnt til sögunnar í baráttunni um Olise, 22 ára Frakka sem kom að 16 mörkum í 19 leikjum með Palace á miklu meiðslatímabili.