Ramsdale myndi berjast við Bernd Leno um byrjunarliðsstöðuna hjá Arsenal en Rúnar Alex Rúnarsson er varamarkvörður félagsins sem stendur.

Arsenal hefur verið orðað við Ramsdale og Sam Johnstone, en ólíklegt er að félagið muni fara alla leið í viðræðunum um Ramsdale. Það er vegna þess að Sheffield vill fá 32 milljónir punda fyrir markvörðinn, en það er upphæð sem Arsenal vill ekki greiða.

Ramsdale er 23 ára gamall og hefur verið aðalmarkvörður í yngri landsliðum Englendinga þar sem hann á 34 leiki að baki.