Davíð Örn Atlason
Davíð Örn Atlason mun að öllum líkindum missa af byrjun Pepsi Max-deildarinnar með Breiðabliki.
Breiðablik keypti Davíð frá Víkingi í vetur en hann hefur ennþá ekki spilað í grænu treyjunni þar sem meiðsli hafa verið að stríða honum í vetur.
Breiðablik keypti Davíð frá Víkingi í vetur en hann hefur ennþá ekki spilað í grænu treyjunni þar sem meiðsli hafa verið að stríða honum í vetur.
„Hann ferð í aðgerð 25. mars og það er í besta falli sex vikur. Hann verður ekki tilbúinn í byrjun móts. Ef allt gengur upp ætti hann að vera klár um miðbik maí," sagði Óskar Hrafn Þorvaldsson, þjálfari Breiðabliks, í útvarpsþættinum Fótbolti.net á X-inu um helgina.
Miðjumaðurinn Andri Rafn Yeoman er í námi á Ítalíu en hann kemur inn í lið Breiðabliks um mitt sumar.
„Hann kemur að öllum líkindum í lok júní. Hann er að klára meistaranám í skipulagsverkfræði í Róm," sagði Óskar.
Breiðablik mætir KR í fyrstu umferð Pepsi Max-deildarinnar laugardaginn 24. apríl.
Athugasemdir
