Fotbolti.net
23.01.25 - 09:08
Elvar Geir Magnússon

Liðsfélagi Guðlaugs Victors skrópaði

Það var erfitt kvöld hjá Plymouth.

Það var erfitt kvöld hjá Plymouth.

Canon

Mynd: Getty Images

Stuðningsmenn Plymouth eru allt annað en glaðir þessa dagana og létu óánægju sína í ljós eftir 0-5 tap gegn Burnley í gær. Íslenski landsliðsmaðurinn Guðlaugur Victor Pálsson fær mikla gagnrýni eftir leikinn eins og fleiri liðsfélagar hans.

Stjóri Plymouth segir leikmenn sína hafa gefist upp eftir að hafa lent undir en BBC skrifar fyrsta markið á mistök Guðlaugs Victors.
Championship: Burnley valtaði yfir Plymouth - Portsmouth upp úr fallsæti
TENGT EFNI

Championship: Burnley valtaði yfir Plymouth - Portsmouth upp úr fallsæti

„Við gáfum fyrsta markið á silfurfati eftir einstaklingsmistök. En þetta er fótbolti og svona getur gerst. En liðið brást við með því að gefast upp, það var ekki vilji til að halda áfram að berjast," segir Miron Muslic en hann tók við af Wayne Rooney.

Burnley var 5-0 yfir í hálfleik og margir stuðningsmenn Plymouth létu sig hverfa af vellinum eftir fyrri hálfleikinn.

„Þú ferð inn í hálfleikinn fimm mörkum undir og veist að leikurinn er búinn. Pressan var öll á okkur og stuðningsmenn létu okkur heyra það verðskuldað."

Það vakti athygli að framherjinn Morgan Whittaker var ekki með Plymouth. Muslic segir að leikmaðurinn hafi átt að vera í hóp en hafi ekki mætt þegar leikmenn komu saman fyrir leikinn. Hann var svo mættur í stúkuna þegar leikurinn fór fram.

„Þetta sýnir skort á hugarfari. Þú þarft að axla þína ábyrgð þegar þú er samningsbundinn. Þú hefur skyldur, ekki bara gagnvart félaginu heldur einnig liðsfélögum. Þú átt ekki að bregðast félögum þínum," segir Muslic en Whittaker vill yfirgefa félagið og hafa Burnley og Middesbrough gert tilboð í hann.

Það gengur ekkert hjá Plymouth sem er í neðsta sæti Championship-deildarinnar, sex stigum frá öruggu sæti í deildinni.
Miron Muslic.

Miron Muslic.

Canon

Mynd: Fótbolti.net - Hafliði Breiðfjörð

Championship - karlar

#LiðLmunStig
1Middlesbrough16+1332
2Stoke City16+732
3Wolves16+931
4Birmingham16+1329
5West Brom16+829
6Southampton16+1627
7QPR16+727
8Swansea16+427
9Sheffield Utd16+625
10West Ham16+1424
11Norwich16+924
12Portsmouth16+223
13Blackburn15-121
14Wrexham16-121
15Cardiff City16-118
16Millwall16-518
17Bolton16-918
18Bristol City16-1018
19Charlton Athletic16-1117
20Lincoln City16-1215
21Watford16-1415
22Burnley15-910
23Derby County16-1810
24Preston NE16-179
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.