Mikill hiti færðist í leik Manchester United og Barcelona á 60. mínútu í umspili Evrópudeildarinnar í kvöld eftir að Bruno Fernandes þrumaði boltanum í Frenkie de Jong, miðjumann Börsunga.
Fernandes var greinilega heitt í hamsi eða hreinlega að senda De Jong skilaboð eftir að Hollendingurinn hafnaði tækifærinu að ganga í raðir United síðasta sumar.
Þegar hálftími var eftir og staðan 1-1 fengu Börsungar aukaspyrnu eftir að Aaron Wan-Bissaka braut á De Jong fyrir teig spænska stórliðsins.
De Jong féll í grasið og mætti síðan Fernandes á ferðinni og þrumaði boltanum í varnarlausan De Jong. Portúgalski leikmaðurinn bar fyrir sig að hann hafi ekki heyrt í flautunni en hann uppskar gult spjald fyrir.
Leikmenn Barcelona hópuðust að Fernandes og ýttu honum eftir atvikið áður en dómarinn róaði niður mannskapinn. Hægt er að sjá þetta atvik hér fyrir neðan.
Bruno Fernandes hitting Frenkie De Jong with the ball makes me happy man. Be like ," This is for rejecting us mf!"pic.twitter.com/ts2f0Rf2J1
— Leon officiel (@_OngiriRN) February 23, 2023
Barcelona's players weren't happy with Bruno Fernandes after he appeared to kick the ball at Frenkie de Jong ???? pic.twitter.com/tjrTIfbetY
— Eurosport (@eurosport) February 23, 2023
Athugasemdir