Fótbolti.net

Stokke: Mikill léttir að skora fyrsta markið fyrir félagið

Halldór Snær: Illa lélegt hjá okkur öllum

Maggi: Enginn svikinn að mæta hérna í kvöld

Óskar Hrafn: Þetta var tapleikur, það var enginn að kýla mig

Venni í áfalli eftir leikinn: Þetta var ótrúlegur leikur í raun og veru

Haraldur Árni: Mér líður frábærlega í Grindavík

Siggi Höskulds: Vorum bakaðir í fyrri hálfleik

Haraldur Freyr: Það fór aðeins um mig

Haddi: Engin kergja þótt fjölmiðlar reyni að ljúga upp á okkur

„Skelfilegt en lofum því að þetta gerist ekki aftur"

Láki: Veit ekki hvaða lið myndi leysa það að missa svona fallbyssur út af

Vuk: Náttúrulega galið að við séum ekki að spila á mánudegi

Davíð Smári: Það vantaði kraft í okkur

Rúnar Kristins: Við hittum á réttu taktíkina

Sjáðu draugamark ÍA í Njarðvík

Jökull: Held að svarið verði annað þegar þú spyrð mig næst

Túfa: Helvíti gaman að sjá þessa frétt

Ólafur Kristjáns: Leikmenn verið lengur saman og búnar að kynnast mér

Guðni Eiríks: Öll mörkin voru eiginlega einhver trúðamörk

Alli Jói: Þessi kóngur frábær

mið 23. apríl 2025 22:37

Sölvi Haraldsson

Heimir Guðjóns eftir fyrsta stigið: Einhverstaðar verðum við að byrja

Mynd: Fótbolti.net - Hafliði Breiðfjörð

„Það eru vonbrigði að missa þetta niður í jafnteflið. Mér fannst við á löngum köflum sterkari aðilinn. Við vorum klaufar að sleppa þeim inn í hálfleikinn með 1-1.“ sagði Heimir Guðjónsson, þjálfari FH, eftir 2-2 jafntefli við KR í kvöld.

„Við byrjum seinni hálfleikinn vel, sköpum góð færi og fáum rautt. Ég man ekki eftir að þeir náðu að opna okkur mikið, við meira að segja sköpum okkur færi eftir að við urðum einum færri. Það var samstaða í þessu og menn voru að berjast fyrir hvorn annan. Þegar menn gera það hjá Fimleikafélaginu eru okkur allir vegir færir. Það er eitthvað sem við höfum ekki verið að gera í fyrstu tveimur leikjunum.“

Lestu um leikinn: FH 2 - 2 KR

Heimir var ósáttur að sleppa KR með 1-1 inn í hálfleikinn.

„Vandamálið okkar var að sleppa þeim inn í hálfleikinn með 1-1. Við fengum dauðafæri til að koma okkur í betri stöðu. Einhverstaðar verðum við að byrja og við byrjuðum í dag. En þetta er bara einn leikur og mótið er nýbyrjað, við verðum að halda áfram.“

FH var að næla sér í sitt fyrsta stig í deildinni í dag, Heimir segir að það sé vegna þess að þeir gáfu engin trúðamörk á sig.

„Ef þú tekur Stjörnuleikinn að þá vorum við klaufar þar, við fengum góð færi í þeim leik. Draugamark og trúðamark. Við gáfum ekkert trúðamark í dag og þess vegna fengum við stig. Við spiluðum aggresífan sóknarleik og sköpuðum mikið af góðum færum. Ef þú tekur Vestraleikinn voru þeir bara betri en við og við áttum ekkert skilið úr þeim leik.“

Næsti leikur FH er útileikur gegn KA á Akureyri.

„Ég er ekki búinn að skoða nein úrslit. KA er með gott lið og hafa verið að bæta við sig mönnum. Það er alltaf erfitt að fara norður og það þarf að undirbúa þann leik vel.“

Heimir er sammála Sigurði Hirti þegar hann rak Björn Daníel af velli í seinni hálfleiknum.

„Það er erfitt fyrir mig að standa hér og halda því fram að þetta var ekki raut. Þetta var rautt og hann dæmdi þennan leik frábærlega.“ sagði Heimir að lokum.

Viðtalið við Heimi má sjá í spilaranum hér að ofan