Sólveig, sem er fædd árið 2000, byrjaði tímabilið með Val og spilaði tvo leiki áður en hún var lánuð í Aftureldingu.

Þar spilaði hún sex leiki og skoraði eitt mark áður en deildin fór í frí vegna Evrópumótsins.

Lánssamningnum er lokið og er hún nú mætt aftur í raðir Vals.

Sólveig á að baki 68 leiki í efstu deild með Val, Breiðabliki, Fylki, Aftureldingu og HK/Víkingi.

Í lok júní skoraði hún í 2-0 sigri U23 ára landsliðs Íslands á Eistlandi en leikurinn er flokkaður sem A-landsleikur samkvæmt KSÍ. Hún á þá 32 leiki og fimm mörk fyrir yngri landsliðin.