Bukayo Saka, leikmaður Arsenal, hefur verið valinn leikmaður ársins hjá enska landsliðinu en það voru stuðningsmenn sem sáu um að kjósa. Declan Rice endaði í öðru sæti og Harry Kane í því þriðja.
Saka hefur undanfarna tílf mánuði spilað níu landsleiki og skorað þrjú mörk, hann var maður leiksins á afmælisdeginum sínum þegar 4-0 sigur vannst gegn Andorra á Wembley.
Yfir sama kafla skoraði Harry Kane tólf mörk og átti eina stoðsendingu fyrir England.
Saka og Kane verða í eldlínunni með enska landsliðinu sem leikur gegn Ítalíu í kvöld og Þýskalandi á mánudag. England er á botni riðils síns í Þjóðadeildinni eftir fjóra leiki.
Ef England tapar báðum leikjunum sem er framundan er ljóst að liðið mun falla niður í B-deildina.
Athugasemdir
