Það vakti athygli margra að Conor Gallagher miðjumaður Chelsea bar fyrirliða bandið í fjarveru Reece James og Ben Chilwell fyrirliða liðsins í markalausa jafnteflinu gegn Bournemouth um síðustu helgi.
Búist var við því að Thiago Silva myndi fá hlutverkið.
„Silva er reynslumikill leikmaður sem þarf ekki bandið. Mér finnst mikilvægt að byggja eitthvað upp fyrir framtíðina. Gallagher er þarna en fyrirliðahlutverkið er ekki bara að setja bandið á handlegginn," sagði Pochettino.
Enzo Fernandes þarf að bæta sig í enskunni til að verða fyrirliði.
„Ef við þurfum að hafa samskipti við dómarann og allt það finnst mér Gallagher geta gert það fullkomlega svo ég vel hann framyfir Enzo þar sem hann getur talað ensku fullkomlega," sagði Pochettino.
„Enzo er ekki tilbúinn til að vera fyrirliði. Það snýst ekki um karkater, persónuleika eða prófíl. Þú þarft að geta haft samskipti við fólk og ef þú hefur ekki góð tök á tungumálinu getur þú ekki verið fyrirliði. Kannski hef ég rangt fyrir mér en þetta er mín skoðun."
