Riðlakeppni Meistaradeildarinnar mun senn ljúka. Fimmta umferð er hálfnuð og klárast hún á morgun.
Línur eru heldur betur farnar að skýrast og eru nú þegar sex lið komin áfram.
Liðin sem eru komin áfram: Liverpool, Ajax, Bayern München, Manchester United, Chelsea og Juventus.
Auðvitað er mikilvægt að komast áfram, en það er líka mikilvægt að taka efsta sætið í riðlinum - ef mögulegt er. En hvað gefur það liði að enda í efsta sæti?
Jú, það gefur þér betri möguleika í 16-liða úrslitunum. Ef þú endar í efsta sæti, þá mætirðu nefnilega liði sem endar í öðru sæti í riðlakeppninni í 16-liða úrslitunum. Þú getur ekki dregist gegn liði frá sama landi í næstu umferð.
Liverpool og Manchester United eru búin að tryggja sér efsta sætið í sínum riðlum og er það því ljóst að þessi tvö lið mæta liðum sem hafna í öðru sæti í riðlakeppninni þegar dregið verður á fyrsta stigi útsláttakeppninnar.
Athugasemdir