Mynd: Getty Images

Fulham fékk Wolves í heimsókn í kvöld í fyrsta leik umferðarinnar í ensku úrvalsdeildinni.

Gestirnir byrjuðu betur en Pablo Sarabia var nálægt því að skora sitt fyrsta mark fyrir félagið eftir um það bil 20 mínútna leik en skot hans úr fínu færi fór beint á Bernd Leno í marki Fulham.

Sarabia var hins vegar aftur á ferðinni stuttu síðar og þá klikkaði ekkert. Raul Jimenez skallaði boltanum fyrir fætur Sarabia sem tók skotið inn í teig Fulham og skoraði sitt fyrsta mark fyrir félagið.

Staðan var 1-0 Wolves í vil í hálfleik en Raul Jimenez var nálægt því að bæta öðru markinu við snemma í síðari hálfleik en boltinn fór rétt framhjá eftir skalla frá mexíkóanum.

Manor Solomon var hetja Fulham í 1-0 sigri Brighton eftir að hafa komið inn á af bekknum en hann byrjaði aftur á bekknum í kvöld. Hann kom inn á í hálfleik og var ekki lengi að setja mark sitt á leikinn, hann jafnaði metin með glæsilegu skoti eftir um klukkutíma leik.

Fulham vildi fá vítaspyrnu þegar stundarfjórðungur var til leiksloka þegar Lemina hrinti Palhinha í teignum en ekkert dæmt.

Fleiri mörk litu ekki dagsins ljós og er Fulham því áfram í 6. sæti og Wolves á sínum stað í 15. sæti.