Gracia spjallaði við fjölmiðlamenn í dag og var meðal annars spurður út í sinn leikstíl.

„Ég vil að mín lið spili vel. Við þurfum að spila á þann hátt að leikmönnum líði vel og finnist þeir öryggir. Við þurfum að láta stuðningsmenn njóta þess að horfa á liðið. Það þarf að finna jafnvægið."

Gracia segir að markmið sitt sé ljóst, að halda Leeds uppi í deildinni. Leeds er í fallsæti, tveimur stigum frá öruggu sæti. Leikurinn gegn Southampton verður klukkan 15 á morgun, á Elland Road.