Pique, sem lagði skóna á hilluna fyrr á þessu tímabili, fylgdist með leiknum og var svo í beinu streymi á Twitch að honum loknum. Þar tjáði hann skoðun sína á því sem fram fór.

Hann sagði einfaldlega: „Þetta var algjört helvítis rugl."

Pique var ekki sáttur með frammistöðuna hjá Barcelona en þetta er annað árið í röð þar sem liðið fellur í Evrópudeildina og dettur úr leik þar án þess að komast langt í útsláttarkeppninni.

Börsungar geta einbeitt sér að því núna að vinna spænsku deildina og spænska bikarinn, en liðið er með gott forskot á toppi La Liga.