„Þeir eru pirrandi lið," segir Ten Hag en hann var beðinn um að rökstyðja þessa fullyrðingu.

„Þeir reyna að pirra andstæðinga sína. Það hefur gengið vel hjá þeim. Við viljum hafa hraða í okkar leik. Við þurfum að einbeita okkur að því að spila fótbolta og láta ekki aðra hluti trufla okkur."

Með þessum orðum er Ten Hag mögulega að koma skilaboðum óbeint til dómara úrslitaleiksins. David Coote mun dæma leikinn og Peter Bankes verður VAR dómari.

Frábært tækifæri á titli
Manchester United á möguleika á því að lyfta sínum fyrsta bikar síðan 2017.

„Þetta er frábært tækifæri á titli. Þetta snýst um að vinna bikara. Stuðningsmenn eru spenntir og maður finnur það. Við munum gera allt sem við getum til að gleðja þá," segir Ten Hag.

Rashford tæpur fyrir leikinn?
Hinn sjóðheiti Marcus Rashford haltraði af velli í lokin á sigrinum gegn Barcelona í gær. Ten Hag segir ekki ljóst hvort hann verði klár í leikinn.

„Ég veit ekki hver staðan er, leikmennirnir eru að koma inn. Það þarf að skoða ástandið hjá þeim. Sjáum hvað sjúkrateymið hefur að segja,"

Ljóst er að franski sóknarmaðurinn Anthony Martial verður ekki með í úrslitaleiknum á sunnudag.