Gunnhildur velur fyrrum liðsfélaga sinn í Ástralíu, Fanndísi Friðriksdóttur sem fyrirliða liðsins.

„Fanndís Friðriksdóttir getur breytt leikjum. Hún er í svakalegu standi í augnablikinu og á eftir að vera rosalega hættuleg i sumar. Hún verður algjör lykilleikmaður."

Varafyrirliði liðsins er síðan liðsfélagi Gunnhildar í landsliðinu, Hallbera Guðný Gísladóttir.

„Hallbera Guðný verður stoðsendingardrottning með þennan vinstri fót sinn. Hún yngist með árunum og þreytist aldrei. Hún er algjört vélmenni."

Í markinu er hún með Bryndísi Láru markvörð Þórs/KA. „Bryndís Lára varði eitt víti í undanúrslitaleiknum í Lengjubikarnum og á eftir að gera slíkt það sama í deildinni."

Hún treystir á að Arna Sif skili sér stigum í vörninni. „Hún spilar með góðu liði Þórs/KA sem á eftir að vera í toppbaráttunni. Einnig er hún beast í loftinu og skorar alltaf nokkur mörk með skalla á leiktíðinni."

Frammi er síðan til að mynda ein Elín Metta Jensen. „Hún er þekkt fyrir að skora mörk og það er ekkert að fara að breytast í sumar. Goal machine," sagði Gunnhildur Yrsa að lokum.

Smelltu hér til að taka þátt í leiknum!

Sjá einnig:
Draumalið Þorkels Gunnars Sigurbjörnssonar