Breki Baldursson gæti verið á leið til danska félagsins Esbjerg frá Fram. Miðjumaðurinn efnilegi fór á reynslu til félagsins fyrr í sumar og stóð sig vel.
Breki verður átján ára í næsta mánuði en hann er meðal efnilegustu miðjumanna landsins og hefur spilað tólf landsleiki fyrir yngri landslið Íslands.
Breki verður átján ára í næsta mánuði en hann er meðal efnilegustu miðjumanna landsins og hefur spilað tólf landsleiki fyrir yngri landslið Íslands.
Hann vakti athygli í fyrra þegar hann spilaði sautján leiki fyrir Fram í Bestu deildinni og á þessu tímabili hefur hann komið við sögu í sex leikjum í deildinni og tveimur í bikarnum.
„Þeir hafa mikinn áhuga. Við erum í viðræðum við þá sem ganga vel. Þeir buðu honum á reynslu og hann stóð sig mjög vel," sagði Daði Guðmundsson við Fótbolta.net í dag. Daði er framkvæmdastjóri fótboltadeildar Fram. Breki er samningsbundinn Fram út árið 2026.
Esbjerg leikur í dönsku B-deildinni. Álaborg og Heerenveen hafa einnig sýnt Breka áhuga samkvæmt heimildum Fótbolta.net.
Breki Baldursson á leiðinni til Esbjerg???? í 1.division???????? #fotboltinet pic.twitter.com/176JuMrOHK
— Stuðningsmaður_1 (@LoveForbesta) July 23, 2024
Athugasemdir