Í grísku úrvalsdeildinni var Íslendingaslagur þar sem PAOK lagði AEL Larissa að velli með einu marki gegn engu.
Ögmundur Kristinsson var í marki Larissa, en hinn 22 ára gamli Karol Swiderski skoraði fram hjá honum á 16. mínútu. Það reyndist eina mark leiksins.
Sverrir Ingi Ingason lék allan leikinn í vörnini hjá PAOK og hjálpaði sínum mönnum að halda hreinu.
PAOK er í öðru sæti með jafmörg stig og Olympiakos. Larissa er í sjöunda sæti með 15 stig.
Hörður og Arnór spiluðu er CSKA komst aftur á sigurbraut
CSKA Moskva hélt áfram á sigurbraut í rússnesku úrvalsdeildinni með sigri gegn FK Krylya Sovetov Samara á heimavelli sínum í Moskvu. Fyrir leikinn í dag hafði CSKA unnið tvo deildarleiki í röð.
Arnór Sigurðsson lék tæpan klukkutíma og spilaði Hörður Björgvin Magnússon allan leikinn.
Nikola Vlasic skoraði sigurmark CSKA þegar stundarfjórðungur var eftir af leiknum.
Með sigrinum fer CSKA upp í þriðja sæti deildarinnar, þremur stigum frá toppliði Zenit.
Sjá einnig:
Rússland: Góður sigur Krasnodar - Síðasta tap kom í september
Lið Hólmars í öðru sæti í Búlgaríu
Varnarmaðurinn Hólmar Örn Eyjólfsson Levski Sofia gegn Tsarsko Selo í búlgörsku úrvalsdeildinni.
Hólmar hefur gert vel í því að koma til baka úr erfiðum meiðslum og er hann búinn að festa sig í sessi í byrjunarliði Levski sem vann leikinn í dag 2-0.
Levski skoraði bæði mörk sín í fyrri hálfleiknum og er núna í öðru sæti, sjö stigum frá toppliði Ludogorets.
Elmar í sigurliði
Í Tyrklandi var Theódór Elmar Bjarnason einnig í sigurliði. Hann spilaði allan leikinn fyrir Akhisarspor í sigri á Altay á heimavelli.
Akhisarspor lenti 1-0 undir, en kom til baka í seinni hálfleiknum og vann 2-1.
Elmar er á sínu fyrsta tímabili hjá Akhisarspor, en liðið er í þriðja sæti B-deildarinnar, þremur stigum frá toppnum.
Athugasemdir