Chris Smalling hefur leikið vel með Roma á láni frá Manchester United á þessu tímabili. Hinn þrítugi Smalling segist ennþá halda í vonina að vinna sér hinn sæti í enska landsliðinu fyrir EM í sumar.
Smalling hefur ekki spilað með enska landsliðinu síðan í nóvember árið 2017 en Gareth Southgate, landsliðsþjálfari Englendinga, sagði þá að hann væri ekki ánægður með sendingargetu leikmannsins.
Smalling hefur ekki spilað með enska landsliðinu síðan í nóvember árið 2017 en Gareth Southgate, landsliðsþjálfari Englendinga, sagði þá að hann væri ekki ánægður með sendingargetu leikmannsins.
Southgate mætti á leik Roma og Inter í desember og er greinilega að fylgjast með Smalling.
„Hann er að sýna áhuga með því að koma til Rómar að horfa á leiki og vonandi get ég haldið áfram að standa mig vel þannig að dyrnar standi opnar og ég geti komist í gegn," sagði Smalling.
„Það væri ótrúlegt. Það hefur verið ótrúleg tilfinning að spila landsleiki en það er talsvert liðið frá þeim síðasta. Hvort sem það gerist í mars eða ekki þá mun ég ekki gefast upp."
Athugasemdir
