Keflavík 2-2 Fylkir
0-1 Nikulás Val Gunnarsson ('7 )
1-1 Sindri Þór Guðmundsson ('40 )
2-1 Sami Kamel ('55 víti)
2-2 Birkir Eyþórsson ('83 )
Það var flautað til leiks í Reykjanesbæ kl. 11 í fyrsta leik Lengjubikarsins í dag en það er mikil dagskrá í allan dag.
Keflavík fékk Fylki í heimsókn en gestirnir hófu leikinn mun betur og það skilaði sér strax á sjöundu mínútu þegar Nikulás Val Gunnarsson kom boltanum í netið eftir frábæran undirbúning Ragnars Braga Sveinssonar.
Keflavík komst betur inn í leikinn eftir markið og náði að jafna metin fyrir lok fyrri hálfleiks eftir vel útfærða skyndisókn sem Sindri Þór Guðmundsson batt endahnútinn á.
Keflvíkingar náðu svo forystunni þegar Sami Kamel skoraði úr vítaspyrnu.
Birkir Eyþórsson kom inn á af bekknum í lið Fylkis og tryggði liðinu stig með stórkostlegu skoti fyrir utan vítateiginn.
