Zlatan elsti leikmaðurinn í sögunni sem spilar í undankeppni EM
Mynd: Getty Images
Mynd: Getty Images
Sænski snillingurinn Zlatan Ibrahimovic kom inn á í gær í tapi Svíþjóðs gegn Belgíu í F-riðli í undankeppni EM.
Zlatan spilaði rúmt korter en hann kom inn fyrir Alexander Isak, leikmann Newcastle United, þegar staðan var 2-0 Belgum í vil. Slæm byrjun á undankeppninni hjá Svíum en Zlatan bætti hins vegar met.
Hann er nú elsti leikmaðurinn í sögunni sem tekur þátt í undankeppni EM en Zlatan er 41 árs gamall. Á dögunum varð hann elsti leikmaðurinn sem skorar í Serie A deildinni en þá skoraði hann af vítapunktinum í 3-1 tapi gegn Udinese.
Romelu Lukaku skoraði þrennu í leiknum í gær sem lauk með öflugum 3-0 útisigri Belga. Svíþjóð mætir Azerbaijan á mánudaginn kemur í leik sem verður að vinnast fyrir þá.
„Ég vil halda áfram að spila, mér líður vel og þetta er í forgangi hjá mér. Mér líður vel hjá Milan, ef þeir vilja halda mér þá er ég ánægður. Ég er til staðar," sagði Zlatan.
41-YEAR-OLD ZLATAN IBRAHIMOVIC TAKES THE PITCH FOR SWEDEN!
— ESPN FC (@ESPNFC) March 24, 2023
Oldest player to EVER play in a Euro qualifier.
Timeless. pic.twitter.com/gcZGqGKKAp
