Byrjunarlið Breiðabliks gegn Drita: Kristófer Ingi utan hóps

Klukkan 19:15 hefst leikur Breiðabliks og Drita frá Kósóvó í 2. umferð forkeppninnar í Sambandsdeildinni. Um fyrri leik liðanna er að ræða og fer leikurinn í kvöld fram á Kópavogsvelli.

Halldór Árnason, þjálfari Breiðabliks, gerir tvær breytingar á sínu liði frá sigrinum gegn KR um liðna helgi.

Inn koma þeir Oliver Sigurjónsson og Ísak Snær Þorvaldsson. Ísak var ekki í hópnum gegn KR. Vitað var að Alexaner Helgi Sigurðarson yrði ekki klár í leikinn í dag en það kemur á óvart að Kristófer Ingi Kristinson, sem byrjaði gegn KR, er ekki í hópnum. Benjamin Stokke sem skoraði tvö mörk eftir að hafa komið inn á sem varamaður gegn KR er á bekknum.

Meira um fjarveru Kristófers má lesa í textalýsingu frá leiknum.