Senne Lammens.
Senne Lammens á enn eftir að leika fyrir Manchester United eftir að hafa gengið til liðs við félagið á gluggadag í upphafi mánaðar.
Heimildir BBC herma að Lammens hafi heillað þjálfara og leikmenn með frammistöðum sínum á æfingum liðsins.
United borgaði rúmlega 18 milljónir punda fyrir þennan 23 ára belgíska markvörð sem kom frá Royal Antwerp.
Bayindir hefur staðið í marki United í upphafi tímabils og hefur fengið sinn skerf af gagnrýni.
Samkvæmt gögnum Opta er Bayindir í 16. sæti yfir markverði með meira en tvo úrvalsdeildarleiki í vetur, með aðeins 50% markvörsluhlutfall.
Manchester Utd situr í ellefta sæti deildarinnar og hefur liðið fengið á sig átta mörk eftir fimm leiki. Næsti leikur Manchester United er gegn Brentford á laugardag.
Athugasemdir
