Mynd sem var tekin á Breiðablik - KR.
Fjórum leikjum í Pepsi Max-deild kvenna hefur verið frestað þar sem leikmaður Breiðabliks greindist með Covid-19.
Breiðablik vann 6-0 sigur á KR á dögunum og eru leikmenn beggja liða, auk þjálfara og starfsmanna, í sóttkví.
Breiðablik vann 6-0 sigur á KR á dögunum og eru leikmenn beggja liða, auk þjálfara og starfsmanna, í sóttkví.
Búið er að fresta leik Þróttar og Breiðabliks sem átti að vera á þriðjudaginn og einnig leik KR og FH sem átti að vera á miðvikudaginn.
Þá hefur leikjum Breiðabliks og KR í umferðinni þar á eftir (Breiðablik Þór/KA og Selfoss - KR) einnig verið frestað.
Einnig er búið að fresta leik Augnablik og Völsungs í Lengjudeild kvenna vegna málsins en leikurinn átti að vera í kvöld. Augnablik er varalið Breiðabliks.
KSÍ er að vinna í áætlun vegna málsins. Verið er að skoða næstu skref og gefa út viðeigandi tilkynningu um framvindu mótsins eins fljótt og mögulegt er.
Athugasemdir
