Bandaríkjamaðurinn og David Beckham, eigandi Inter Miami, þekkjast vel, enda tvær miklar goðsagnir.

Brady er hluteigandi í enska C-deildarfélaginu Birmingham City sem þeir Alfons Sampsted og Willum Þór Willumsson eru á mála hjá, en hann birtir reglulega færslur af úrslitum félagsins á samfélagsmiðlum.

Á dögunum setti hann mynd af Willum í 'story' á Instagram og merkti Willum við myndina.

Eins og áður kom fram var Brady á leik Inter Miami og þar hitti hann argentínska leikmanninn Lionel Messi. Brady, Messi og Beckham voru myndaðir saman og myndin birt á Instagram, en þar grínaðist Brady aðeins í ummælakerfinu.

„Ég ætla að taka Lionel Messi með mér aftur til Birmingham. Sorrí, David Beckham,“ skrifaði Brady undir myndina.

Það væri reyndar mjög svo áhugavert að sjá Messi spila í iðnaðinum í C-deildinni, en líkurnar á að það gerist eru í kringum núllið.